我份人最聽人講的了，所以一返黎就真係即刻開始過相呀寫字呀咁，不過佢咩事咁激動呢…
是日早上跟 D 吃早餐，他半年前借了我會考/高考時的補習 notes (目的係要幫人補習 囧)，然後這幾天他執屋的時候又找回這些碌屎，所以急著要還給我，唔好霸住佢間屋的空間嘛 XD 於是呢他約我今朝吃早餐，順道把 notes 還給我。
遷就他上班的關係，約了在中環，最後去了新搬來現址的蛇竇，來這裏的原因呢，表面是因為他「想帶我去一間六十年不變的小店」，well，實際的原因嘛，唉，唔好要我講出口。蛇竇以前在中環翠華隔鄰，後來想續約但加租加得太厲害，所以關掉舊舖，沉寂了一陣子，兩個月前又在機利文新街這裏重新開竇了。
接近九時的時分，客人不太多，最後我們各自要了一份早餐。
菠蘿包，原本是牛油餐包，+$3 轉的。一個菠蘿包先賣緊 $3，即係其實我地都係唔要個牛油餐、然後再另外用 $3 買個菠蘿包啦！？囧 雖然不是新鮮出爐，但菠蘿皮仍然酥脆，入口竟然有點鳳梨酥的味道！！(我諗起o個時無線套劇《撻出愛火花》，謝霆鋒話整菠蘿包個皮真係要落菠蘿整…好在o個時無低能到真係信左 囧) 該是菠蘿皮加了奶粉之類的東西吧？包身也算軟熟，$3 一個其實幾抵食啊。
火腿通粉，用的是平時食飯盛餐湯的那只小碗，分量偏小 (雖然影落好似好大)，用的是有坑紋的那款通粉，入口彈牙一點。
腸仔煎蛋，都係咁啦…唔係幾明點解條腸要界個花 XD
D 要了一杯奶茶，我要了一杯咖啡。來到的時候 D 的評價是：「乜你杯野個色咁似雀仔屎既」(！！！) 可能是奶下得比較少的關係，杯咖啡呢，頂丫，又真係似墨綠色架喎 (！) (現在執一執張相又好似無咁覺) 咖啡味香濃，奶下得少也合我心意。
買單每人 $25，分量偏小，但對我這個還未訓醒的人來說 (尋晚差唔多三點先訓啊大哥)，分量就剛剛好了。值得一提的是侍應閃閃的態度好得不得了，親切又勤快，除了我們檯上有塊抹檯布佢完全無拎走之外。
侍應閃閃：aiya 無位擺野添。(之後移開糖罐/ 筷子筒等東西)
我 (細細聲 to D)：呀，點解個侍應閃閃唔拎走塊抹檯布架呢…塊布真係污糟得有點可怕
D：可能佢特登擺黎俾你抹嘴架呢…
我：！！！好啦咁我一陣搵塊布黎幫你抹嘴啦下。
我們的對話有時就是這樣變態。囧
===
樂香園咖啡室 (蛇竇)
地址: 中環機利文新街8-12號地下
No comments:
Post a Comment